（香港文匯報記者梁靜儀）金牌監製羅永賢Marco、夥拍其最佳拍檔黃偉強編審的《麻雀樂團》，由譚俊彥、李佳芯、郭柏妍、姜大衛主演。劇集是一套圍繞親情作為主題的輕鬆溫情小品，劇情主要講述大龍鳳麻雀館第二代老闆司徒久（譚俊彥飾），與親生女兒沈家明（郭柏妍飾）一波多折的相認故事。

郭柏妍這次一改長髮女性化形象，剪了一頭清爽短髮飾演熱愛大提琴的純真少女，原來這一切又是監製Marco的意思。郭柏妍坦言足足超過20年沒有剪過短頭髮，故今次為新劇角色剪頭髮前確實十分不捨：「我由細到大都好少剪短頭髮，唯一一次係我婆婆叫我剪，剪完之後發現其實唔係好啱自己，之後嗰20年都冇試過短頭髮，所以呢次對於我嚟講係一個幾大膽嘅嘗試同挑戰。其實我都好唔捨得，監製叫我剪時我都覺得：『真係剪架？』但後來我覺得作為演員，呢個都係幾大嘅突破，同埋頭髮剪短咗可以留長番架嘛。」為了紀念20多年來首度剪短頭髮，郭柏妍還將重要的剪髮Moment拍成視頻兼放上網，片段所見，她在剪髮期間雖然表現緊張，嘟嘴兼流露不捨眼神之餘，還一度激動至眼泛淚光，但仍努力保持冷靜以免嚇親髮型師，又對髮型師所有指令言聽計從。

除了變髮，她還為了角色專誠學拉大提琴，於開劇前數個月已秘密練兵日拉夜拉，而且還會自動自覺將居家拍攝的練習片段傳送給劇組過目，希望找出可以改善的地方，而郭柏妍竟將數張疑似家居Look的練習照打了「特別的馬賽克」，相當搞笑！她透露雖然自己有玩開單簧管，但由於與拉大提琴是兩回事，故必須由頭學起，而且是每天都不能偷懶要密密練，「嗰時因為好不幸喺台灣踩滑板時整親手，一路都唔係幾好得番，有段時間真係拉唔到。不過一好番我就即刻上番堂，好多謝公司安排咗大提琴老師手把手教我。」